Debian Codegraph @

eyes17/helpFiles/ml/_sources/1.4.rst

raw
1 ഗ്രാഫിക്കൽ യൂസർ ഇന്റർഫേസ്
2 ==========================
3
4 ExpEYES ന്റെ ഗ്രാഫിക്കൽ യൂസർ ഇന്റർഫേസിൽ ആദ്യമായി പ്രത്യക്ഷപ്പെടുന്നത് പ്രധാനമായും ഒരു ഓസ്‌സിലോസ്കോപ്പാണ്. ഓസ്‌സിലോസ്കോപ് ഗ്രാഫുകളുടെ X-ആക്സിസ് സമയവും Y-ആക്സിസ് വോൾടേജ്കളുമാണ്. മറ്റു പല ഉപയോഗത്തിനുമുള്ള ബട്ടണുകളും സ്ലൈഡറുകളും ടെക്സ്റ്റ് എൻട്രി ഫീൽഡുകളുമെല്ലാം സ്കോപ്പിന്റെ വലതു ഭാഗത്തായി കാണാം. ഒരു പുൾ ഡൌൺ മെനുവിൽ നിന്നാണ് പരീക്ഷണങ്ങളെ തെരഞ്ഞെടുക്കുന്നത്. GUI ലെ പ്രധാന ഇനങ്ങളെ താഴെ ചുരുക്കമായി വിവരിച്ചിരിക്കുന്നു.
5
6 **പ്രധാന മെനു**
7
8 ഏറ്റവും മുകളിലായി കാണിച്ചിരിക്കുന്ന പ്രധാന മെനുവിൽ 'ഉപകരണം', 'സ്കൂൾ പരീക്ഷണങ്ങൾ', 'ഇലക്ട്രോണിക്‌സ്‌' തുടങ്ങിയ ഇനങ്ങളാണുള്ളത്. എന്തെങ്കിലും കാരണവശാൽ കംപ്യൂട്ടറും ExpEYESഉമായുള്ള ബന്ധം വിഛേദിക്കപ്പെട്ടാൽ 'ഉപകരണം->വീണ്ടും ഘടിപ്പിക്കുക' ഉപയോഗിക്കുക. ഇങ്ങനെ സംഭവിക്കുമ്പോൾ സ്‌ക്രീനിന്റെ താഴെഭാഗത്ത് എറർ മെസ്സേജ് പ്രത്യക്ഷപ്പെടും.
9
10 **ഓസ്‌സിലോസ്കോപ് കൺട്രോളുകൾ**
11
12 - ചാനൽ തെരഞ്ഞെടുക്കൽ
13 സ്‌ക്രീനിന്റെ വലതുവശത്ത് മദ്ധ്യത്തിലായി കാണുന്ന A1, A2 , A3, MIC എന്നീ നാലു ചെക്ക് ബോക്സുകൾ ഉപയോഗിച്ചു ചാനലുകൾ തെരഞ്ഞെടുക്കാം.
14
15 - ഇൻപുട്ട് വോൾടേജ് പരിധി
16 ചാനൽ തെരഞ്ഞെടുക്കുന്ന ചെക്ക്ബോക്സിന് വലതുവശത്തുള്ള പുൾഡൌൺ മെനു ഉപയോഗിച്ചു ഓരോ ഇൻപുട്ടിലും കൊടുക്കാവുന്ന പരമാവധി വോൾട്ടേജ് സെറ്റ് ചെയ്യാം. തുടക്കത്തിൽ ഇത് നാലു വോൾട് ആയിരിക്കും. A1, A2 എന്നീ ഇൻപുട്ടുകൾ പരമാവധി :math:`\pm16` വോൾട് വരെ സ്വീകരിക്കും. A3 യുടെ പരിധി 4 വോൾട്ടിൽ കൂടാൻ പറ്റില്ല.
17
18 - ആംപ്ളിറ്റ്യൂഡും ഫ്രീക്വൻസിയും
19 റേഞ്ച് സെലക്ട് മെനുവിനും വലതുവശത്തുള്ള ചെക്ക് ബോക്സുകൾ അതാതു ഇൻപുട്ടിൽ കൊടുത്തിരിക്കുന്ന AC വോൾടേജ്കളുടെ ആംപ്ളിറ്റ്യൂഡും ഫ്രീക്വൻസിയും ഡിസ്പ്ലേ ചെയ്യിക്കാനുള്ളതാണ്. പക്ഷെ സൈൻ വേവുകളുടെ കാര്യത്തിൽ മാത്രമേ ആംപ്ലിട്യൂഡ് കൃത്യമായിരിക്കുകയുള്ളു.
20
21 - ടൈംബെയ്‌സ് സ്ലൈഡർ
22 X-ആക്സിസിനെ ടൈംബെയ്‌സ് സ്ലൈഡർ ഉപയോഗിച്ച് മാറ്റാം. തുടക്കത്തിൽ X-ആക്സിസ് ൦ മുതൽ 2 മില്ലിസെക്കൻഡ് വരെയായിരിക്കും. ഇതിനെ പരമാവധി 500 മില്ലിസെക്കൻഡ് വരെ കൂട്ടാൻ പറ്റും. അളക്കുന്ന ACയുടെ ഫ്രീക്വൻസി അനുസരിച്ചാണ് ടൈംബെയ്‌സ് സെറ്റ് ചെയ്യേണ്ടത്, മൂന്നോ നാലോ സൈക്കിളുകൾ ഡിസ്പ്ലേ ചെയ്യുന്ന രീതിയിൽ.
23
24 - ട്രിഗർ
25 തുടർച്ചയായി മാറിക്കൊണ്ടിരിക്കുന്ന വോൾട്ടേജിനെ ഒരു നിശ്ചിത സമയത്തേക്ക് ഡിജിറ്റൈസ് ചെയ്തുകിട്ടുന്ന ഫലമാണ് പ്ലോട്ട് ചെയ്യുന്നത്. ഈ പ്രക്രിയ തുടർച്ചയായി നടന്നുകൊണ്ടിരിക്കും, പക്ഷെ ഓരോ തവണയും ഡിജിറ്റൈസേഷൻ തുടങ്ങുന്നത് വേവ്ഫോമിന്റെ ഒരേ ബിന്ദുവിൽ നിന്നാവണം. അല്ലെങ്കിൽ ഡിസ്പ്ലേ സ്ഥിരതയോടെ നിൽക്കില്ല. ഓരോ തവണയും ഡിജിറ്റൈസേഷൻ തുടങ്ങുന്ന ബിന്ദുവിലെ ആംപ്ലിറ്റ്യൂഡ് ആണ് ട്രിഗർ ലെവൽ വഴി സെറ്റ് ചെയ്യുന്നത്. ട്രിഗർ സോഴ്സ് സെലക്ട് ചെയ്യാനുള്ള പുൾഡൌൺ മെനുവും ലെവൽ മാറ്റാനുമുള്ള സ്ലൈഡറും കൊടുത്തിരിക്കുന്നു.
26
27 - ട്രെയ്‌സുകൾ സേവ് ചെയ്യുക
28 ട്രെയ്‌സുകൾ ഡിസ്കിലേക്കു സേവ് ചെയ്യാനുള്ള ബട്ടൺ അമർത്തിയാൽ സെലക്ട് ചെതിട്ടുള്ള എല്ലാ ഗ്രാഫിന്റെയും ഡാറ്റ ടെക്സ്റ്റ് രൂപത്തിൽ സേവ് ചെയ്യപ്പെടും.
29
30 - കഴ്സർ
31 ഈ ചെക്ക് ബട്ടൺ ടിക്ക് ചെയ്താൽ സ്‌ക്രീനിൽ ലംബമായ ഒരു വര പ്രത്യക്ഷപ്പെടും. അതിന്റെ നേരെയുള്ള സമയവും വോൾടേജുകളും സ്‌ക്രീനിൽ കാണാം. മൗസുപയോഗിച്ച് കഴ്‌സറിന്റെ സ്ഥാനം മാറ്റാവുന്നതാണ്.
32
33 - A1-A2
34 ഈ ചെക്ക് ബട്ടൺ ടിക്ക് ചെയ്താൽ A1ന്റെയും A2വിന്റേയും വോൾട്ടേജുകൾ തമ്മിലുള്ള വ്യത്യാസം വേറൊരു ഗ്രാഫായി വരച്ചുകാണിക്കും.
35
36 - നിശ്ചലമാക്കുക
37 ഈ ചെക്ക് ബട്ടൺ ടിക്ക് ചെയ്താൽ സ്കോപ്പിന്റെ പ്രവർത്തനം താത്കാലികമായി നിർത്തപ്പെടും. ഏറ്റവുമവസാനം വരച്ച ട്രെയ്‌സുകൾ സ്‌ക്രീനിൽ ഉണ്ടാവും.
38
39 - ഫോറിയർ ട്രാൻസ്‌ഫോം
40 ചില ഗണിതശാസ്ത്രവിദ്യകളുപയോഗിച്ച് വേവ്ഫോമിൽ അടങ്ങിയിരിക്കുന്ന വിവിധ ഫ്രീക്വൻസികളെ വേർതിരിക്കുന്ന പ്രക്രിയയാണ് ഫോറിയർ ട്രാൻസ്‌ഫോം. X-ആക്സിസിൽ ഫ്രീക്വൻസിയും Y-ആക്സിസിൽ ഓരോ ഫ്രീക്വൻസിയുടെയും ആംപ്ലിട്യുഡും വേറൊരു വിൻഡോയിൽ വരക്കും. സൈൻ വേവിന്റെ ട്രാൻസ്‌ഫോമിൽ ഒരൊറ്റ പീക്ക് മാത്രമേ കാണുകയുള്ളൂ.
41
42 **മറ്റുപകരണങ്ങൾ**
43
44 - DC വോൾടേജ് റീഡിങ്
45 സ്‌ക്രീനിന്റെ വലതുവശത്തു മുകളിലായി A1, A2 , A3 എന്നീ മൂന്നു ചെക്ക് ബോക്സുകൾ കാണാം. അതാതു ഇൻപുട്ടുകളിലെ DC വോൾടേജ് കാണാൻ ഇവ ടിക്ക് ചെയ്യുക. 'എല്ലാം കാണിക്കുക' എന്ന ബട്ടൺ അമർത്തിയാൽ ഒരു പോപ്പപ് വിൻഡോയിൽ എല്ലാ ഇൻപുട്ടുകളുടെയും വോൾടേജുകൾ ഡയൽ ഗേജുകളിൽ കാണാം.
46
47 - SEN ഇൻപുട്ടിലെ റെസിസ്റ്റൻസ്
48 A1, A2, A3 എന്നീ ചെക്ക് ബോക്സുകൾക്കു താഴെ ഏതു ഡിസ്പ്ലേ ചെയ്തിരിക്കും. ഒരു 1000 ഓം റെസിസ്റ്റർ ഘടിപ്പിച്ചു ടെസ്റ്റ് ചെയ്തു നോക്കുക.
49
50 - IN1 കപ്പാസിറ്റൻസ്
51 കപ്പാസിറ്റർ IN1 ന്റെയും ഗ്രൗണ്ടിന്റെയും ഇടക്ക് കണക്ട് ചെയ്ത ശേഷം ഈ ബട്ടൺ അമർത്തുക.
52
53 - IN2 ഫ്രീക്വൻസി
54 ഇതിനെ ടെസ്റ്റ് ചെയ്യുവാൻ SQ1ൽ 1000Hz സെറ്റ് ചെയ്യുക. ഒരു വയർ ഉപയോഗിച്ച് SQ1ഉം IN2ഉം തമ്മിൽ ഘടിപ്പിച്ചശേഷം ബട്ടൺ അമർത്തുക. ഫ്രീക്വൻസിയും ഡ്യൂട്ടിസൈക്കിളും അളന്നുകാണിക്കും. വേവ്ഫോം എത്ര ശതമാനം സമയം ഉയർന്ന നിലയിലാണ് എന്നതിന്റെ അളവാണ് ഡ്യൂട്ടിസൈക്കിൾ.
55
56 - OD1 ഡിജിറ്റൽ ഔട്ട്പുട്ട്
57 ഈ ചെക്ക് ബട്ടൺ ടിക്ക് ചെയ്താൽ OD1ലെ വോൾടേജ് 5വോൾട് ആയി മാറും. ഇതിനെ ഒരു വയറുപയോഗിച്ചു A1 ലേക്ക് ഘടിപ്പിച്ചശേഷം ചെക്ക് ബട്ടൺ ഓപ്പറേറ്റ് ചെയ്യുക. ഏറ്റവും മുകളിലുള്ള A1 ചെക്ക് ബട്ടൺ ടിക്ക് ചെയ്തു വോൾടേജ് അളക്കുക.
58
59 - CCS കോൺസ്റ്റന്റ് കറന്റ് സോഴ്സ്
60 ഈ ചെക്ക് ബട്ടൺ ടിക്ക് ചെയ്താൽ CCS ൽ കണക്ട് ചെയ്യുന്ന റെസിസ്റ്ററിലൂടെ 1.1 മില്ലി ആമ്പിയർ കറന്റ് ഒഴുകും. CCSൽ നിന്നും ഒരു 1000 ഓം റെസിസ്റ്റർ ഗ്രൗണ്ടിലേക്കും ഒരു വയർ A1 ലേക്കും ഘടിപ്പിച്ചശേഷം ചെക്ക് ബട്ടൺ ഓപ്പറേറ്റ് ചെയ്യുക. ഏറ്റവും മുകളിലുള്ള A1 ചെക്ക്ബട്ടൺ ടിക്ക് ചെയ്തു വോൾടേജ് അളക്കുക.
61
62 - WG വേവ് ജനറേറ്റർ
63 ഈ ബട്ടണിൽ ക്ലിക്ക് ചെയ്താൽ വേവ്ഫോമിന്റെ ആകൃതി സെലക്ട് ചെയ്യാനുള്ള മെനു കാണാം. WGയും A1ഉം ഒരു വയർ ഉപയോഗിച്ച് ഘടിപ്പിച്ചശേഷം ആകൃതി ത്രികോണമാക്കി നോക്കുക. ചതുരം എന്നത് തെരഞ്ഞെടുത്താൽ ഔട്ട്പുട്ട് SQ2വിലേക്ക് മാറുന്നതാണ്.
64
65 - 3V ആംപ്ലിട്യൂഡ്
66 ഈ ബട്ടണിൽ ക്ലിക്ക് ചെയ്താൽ ആംപ്ലിട്യൂഡ് മാറ്റാനുള്ള മെനു കാണാം. ഒരു വോൾട് , എൺപത് മില്ലിവോൾട് എന്നിവയാണ് അനുവദിച്ചിട്ടുള്ള മറ്റു ആംപ്ലിട്യൂഡുകൾ. ഫ്രീക്വൻസി
67
68 - WGയുടെ ഫ്രീക്വൻസി
69 WG എന്ന ബട്ടന്റെ വലതുവശത്തുള്ള സ്ലൈഡർ ഉപയോഗിച്ചോ അതിനടുത്തുള്ള ടെക്സ്റ്റ്ബോക്സിൽ ടൈപ്പ് ചെയ്തോ ഫ്രീക്വൻസി സെറ്റ് ചെയ്യാവുന്നതാണ്. WG എന്ന ബട്ടൺ ക്ലിക്ക് ചെയ്താൽ പോപ്പപ് ചെയ്യുന്ന ഒരു ഡയലും ഇതിനുപയോഗിക്കാം.
70
71 - SQ1ന്റെ ഫ്രീക്വൻസി
72 SQ1 എന്ന ബട്ടന്റെ വലതുവശത്തുള്ള സ്ലൈഡർ ഉപയോഗിച്ചോ അതിനടുത്തുള്ള ടെക്സ്റ്റ്ബോക്സിൽ ടൈപ്പ് ചെയ്തോ ഫ്രീക്വൻസി സെറ്റ് ചെയ്യാവുന്നതാണ്. WG എന്ന ബട്ടൺ ക്ലിക്ക് ചെയ്താൽ പോപ്പപ് ചെയ്യുന്ന ഒരു ഡയൽ ഉപയോഗിച്ചാൽ 100കിലോഹെർട്സ് വരെ സെറ്റ് ചെയ്യാനാവും.
73
74 - PV1ന്റെ വോൾടേജ്
75 PV1 എന്ന ബട്ടന്റെ വലതുവശത്തുള്ള സ്ലൈഡർ ഉപയോഗിച്ചോ അതിനടുത്തുള്ള ടെക്സ്റ്റ്ബോക്സിൽ ടൈപ്പ് ചെയ്തോ സെറ്റ് ചെയ്യാവുന്നതാണ്. WG എന്ന ബട്ടൺ ക്ലിക്ക് ചെയ്താൽ പോപ്പപ് ചെയ്യുന്ന ഒരു ഡയൽ ഉപയോഗിച്ചും ചെയ്യാം.
76
77 - PV2 ന്റെ വോൾടേജ്
78 PV2 എന്ന ബട്ടന്റെ വലതുവശത്തുള്ള സ്ലൈഡർ ഉപയോഗിച്ചോ അതിനടുത്തുള്ള ടെക്സ്റ്റ്ബോക്സിൽ ടൈപ്പ് ചെയ്തോ സെറ്റ് ചെയ്യാവുന്നതാണ്. WG എന്ന ബട്ടൺ ക്ലിക്ക് ചെയ്താൽ പോപ്പപ് ചെയ്യുന്ന ഒരു ഡയൽ ഉപയോഗിച്ചും ചെയ്യാം.
79
80