GCompris- është një suitë software-i edukativ i cilësisë së lartë, që përfshin një numër të madh veprimtarish për fëmijë të moshës nga 2 deri në 10 vjeç. Disa nga veprimtaritë shkojnë drejt lojës, por megjithatë prapë edukative. Më poshtë mund të gjeni një listë të kategorive, me disa nga veprimtaritë e gatshme nën atë kategori. - njohje me kompjuterin: tastierë, mi, gjeste të ndryshme të miut, etj. - aritmetikë: kujtesë tabelash, numërim, pasqyrim figurash, baraspeshim peshoreje, dhënie kusuri, etj. - shkencë: mbyllje kanali, përzierje ngjyrash, koncepti i rëndesës, etj. - lojëra: kujtesë, lidhni 4, tik tak to, sudoku, kullë Hanoi, etj. - lexim: ushtrim të lexuari, etj. - të tjera: mësoni si të tregoni kohën, sistemi Braj, labirint, vegla muzikore, etj. Aktualisht GCompris-i ofron më shumë se 100 veprimtari dhe po zhvillohen dhe të tjera. GCompris-i është “software” i lirë, që do të thotë se mund t’ia përshtatni nevojave tuaja, ta përmirësoni, dhe, më e rëndësishmja, t’ua jepni fëmijëve kudo.