PN ജംഗ്ഷൻ ക്ലിപ്പിങ് സർക്യൂട്ട് ----------------------------------- ഡയോഡിന്റെ ആനോഡിന്റെയും കാഥോഡിന്റെയും വോൾട്ടേജുകൾ തമ്മിലുള്ള വ്യത്യാസം ആ ഡയോഡിന്റെ ഫോർവേർഡ് വോൾട്ടേജിലും കൂടുമ്പോഴാണ് ഡയോഡിലൂടെ കറന്റ് പ്രവഹിക്കുന്നത്. ആനോഡിൽ ഒരു റെസിസ്റ്ററിലൂടെ കൊടുക്കുന്ന AC വോൾടേജിന്റെ ഒരു നിശ്ചിതഭാഗം നമുക്ക് ക്ലിപ്പ് ചെയ്തു കളയാൻ പറ്റും. കാഥോഡിൽ കൊടുക്കുന്ന DC വോൾട്ടേജ് ഉപയോഗിച്ചാണ് ഇത് സാധിക്കുന്നത് . ഉദാഹരണത്തിന് ഒരു സിലിക്കൺ ഡയോഡിന്റെ കാഥോഡിൽ 1 വോൾട് കൊടുത്താൽ ആനോഡിലെ വോൾട്ടേജിന് 1.7 വോൾട്ടിൽ അധികം കൂടാൻ കഴിയില്ല. .. image:: schematics/clipping.svg :width: 300px - ഡയോഡും അതിന്റെ ആനോഡിൽ നിന്നും ഒരു 10കിലോ ഓം റെസിസ്റ്ററും ബ്രെഡ്‌ബോർഡിൽ ഉറപ്പിക്കുക - ഡയോഡിന്റെ കാഥോഡിനെ PVSലേക്ക് ഘടിപ്പിക്കുക - റെസിസ്റ്ററിന്റെ മറ്റേ അറ്റം SINEയിലേക്ക് ഘടിപ്പിക്കുക - A1ഉം A2ഉം റെസിസ്റ്ററിന്റെ രണ്ടറ്റങ്ങളിലും ഘടിപ്പിക്കുക ചിത്രത്തിൽ കാണിച്ചിരിക്കുന്നതു പോലെയുള്ള രണ്ടു ഗ്രാഫുകൾ കിട്ടേണ്ടതാണ്. കാഥോഡിൽ സെറ്റ് ചെയ്യുന്ന വോൾടേജിനനുസരിച്ചു ആനോഡിലെ വേവ്ഫോം ക്ലിപ്പ് ചെയ്തു പോകുന്നത് കാണാം. സിലിക്കൺ ഡയോഡിന് പകരം ജർമേനിയം ഡയോഡ് , ഷോട്ക്കി ഡയോഡ് എന്നിവ ഉപയോഗിച്ച് പരീക്ഷണം ആവർത്തിക്കുക. .. image:: pics/clipping-screen.png :width: 300px